Pielgrzymka 2009 - Relacja po naszymu
"Czasem wydaje Ci się, że obok nie ma nikogo. Na dworze deszcz; na stole gazeta, na twarzy pustka. I wtedy wystarczy, że opuścisz swój dom, wyjdziesz na ulice miast, spotkasz kogoś, kto nie jest Ci obcy. I już wiesz, Twoje myśli płyną w określonym kierunku… Ktoś o Tobie pamięta, wystarczy tak niewiele, aby Jego myśli zwróciły się w Twoją stronę..."

I czasem tak to właśnie jest, że czegoś nam brakuje w życiu, że czujemy się samotni.. Za oknem pada deszcz.. ale wystarczy, że opuścimy swój dom, spotkamy sąsiadów - ludzi, których znamy i razem wyruszymy w drogę w tym samym kierunku, bo razem raźniej, bo potrzeba tak niewiele, aby być w życiu szczęśliwym! Wyruszymy tam, gdzie wznosi się Jasnogórski szczyt, do Tej, która króluje tam od wieków, do Matki Nieba i Ziemi! Maryjo, tak jak trawom, zbożom i kwiatom i nam błogosław i prowadź nas drogą jasną!

DZIEŃ PIERWSZY - 18.08.2009 - WYRY - PIEKARY ŚLĄSKIE

Naszo tegoroczno pielgrzimka rozpoczęła się Mszom Świyntom. Kożdy pielgrzim dostoł plakietka ze swoim imieniem, kiero se przipiął zicherkom do jakli. Po pokropieniu wodom świynconom przez naszego farorza, wyruszylimy na Jasno Góra kaj świynto Marijka już na nos czekała. Mazik słowym i piosynkom do drogi zachyncoł i kożdemu pielgrzimowi wiela uwagi poświyncoł. Ogromno radość wszystkich była udziałem, kedy "Fto Zaufoł Ci" śpiewali Bogu na chwałe. Rzykanie i śpiewanie czas na wajzlu skracały i ducha każdego z nos na nowo ubogacały. Ksiondz Marcin gryfnie z nami maszeruje i nawet bólu w szwajach nie czuje, a radość serca kiero niesie, pomogo nom nawet w lesie:D I tak my doszli do piyrszego postoju w Kochłowicach kaj my sebuli szczewiki i fuzekle, kiere już w tyn czos szpetnie woniały:D Nasze kiszki marsza grały, bezto gibko żymła z wusztem i kyjzom wszyscy zjodali.
Kedy my Zdrowaśki porzykali, ruszylimy w dalszo droga. I tak durch szlimy do nastympnego postoju kaj Pan Prezes i Pan Stasiu już na nos czekali, a my tak piknie dla nich śpiewali: "Krok, krok, za krokiem krok, tchu brak, bo długi szlak, lecz tam u kresu dróg, czeko Pan Prezes, czeko Pan Stasiu(...)":D
Nieftorym osobom bomble na girach powyskakiwały, ale nasze cudne szwestery (p.Ania & p.Zdzisia) maści na nie ponakładały i flostry poprzyklejały, ale to nie było ważne... nojważniejsze, że bez te pora dni w roku moglimy być wspólnotom i radować sie pielgrzimowaniem z innymi:D:D:D I tak poleku zwlekli my sie na pielgrzimkowy szlak, kiery prowadził nos już furt do Piekor Ślonskich, cołką drogą śpiywajonc "Hakuna Matata"! :D
Przepełnieni wdzięcznością i radością pokłonilimy sie Matce Piekarskiej. Potym już ino kożdy wahowoł, coby nikt mu nie wlozł w raja pod tusza i do haźlika.
Droga była ciężko i kożdy czuł sie ufifrany, bezto na pogodny wieczór prziszła ino kapka ludzi, zaś na modlitwie wieczornej było nos fol. "Niech nasza droga będzie wspólna, niech nasza modlitwa będzie pokorna, niech nasza miłość będzie potężna, niech nasza nadzieja będzie większa od wszystkiego, co się tej nadziei może sprzeciwić."
I z tym przesłaniem Jana Pawła II poszlimy słodko nynać na dylówka.

DZIEŃ DRUGI - 19.08.2009 - PIEKARY ŚLĄSKIE - WOŹNIKI

Kiedy słonko wstaje i dziyń sie budzi, słychać śpiew Mazika, co raduje ludzi. Noc była ciynżko, boloków kożdemu przybyło, ale cza było zjeść porządne śniodanie i o siły na dalszo droga poprosić Pon Boczka na Mszy Świyntyj.
Jak my tak drałowali to Mazik zaczął fandzolić - przeprowadzoł z nami wywiady. Zmęczenie dowało sie poru osobom we znaki, Gosia pedziała, że jom pazury łod śpiywanio bolom:D Niekiere pytania były fest trudne, na przikład: "Czymu Czorno Madonna jest Czorno:D" Postaromy sie tukej rozwiać te wątpliwości bo odpowiedzi były różne. Może bezto, że idymy na Jasno Góra?-tak do kontrastu? A tak naprowda to ponoć na tym świyntym łobrazku zbierała sie sadza z poloncych sie świyc.
Kedy my tak beblali, łoroz ukazoł sie nom kościoł - piyrszy przystanek drugigo dnia.
Fto był głodny zajadoł wałówka - klapsznity i biksy z lyjberwusztem, kiere dodały nom skrzideł. Potym my sie ino na chwila zaczimali pod lasem kaj stało sie nieszczynście - naszego Wielebnego użarła osa kiero wyfurgnęła z hasioka. Wszysko dobrze sie skończyło bo nasze szwestery binda mu na rynka zategowały.
Richtig trudno tak sie nom szło bez tyn las, ale łod czego mo sie kamratów:D Pielgrzimka to jest czas kiedy zbliżomy sie do siebie, kedy jak wyrżniesz ynta to fto inny podo Ci rynka, kedy jesteś spragniony to ftoś Ci do flaszka z wodą, kedy bydzie Ci smutno to ftoś zaśpiewo Ci piosynka. To wszystko sprawio, że pielgrzimkowo atmosfera jest dla nos tako ważno i pozostaje w naszych sercach do nastympnego roku. Kedy wyszlimy z lasu to nie była fatamorgana, to były Woźniki:D Nasze nojwiynksze miglance były już w szkole coby być jak nojgibcij wyrychtowane. Niestety nie było tak łatwo wejść do szkoły, bo pani dyrektor se o nos zapomniała i kaś pod palmami leżakowała, na szczynście Matka Woźnikowo nad nami czuwała i w godzina klucze na nos zesłała:D
Z głodu tysz my nie padli bo nosz farorzyczek kołoczkami dzielił. Pogodny wieczór był blank pogodny i uśmiechy z gymbów nom nie schodziły, bo kożdy z nos w jakieś zwierze sie przełonaczył. Były wśród nos mućki, koty, ptoki, wieprzki, psy i barany, kiere wspólnie koncert dały.
Jak co wieczór połączyli my sie w modlitwie śpiywając Apel Jasnogórski, bo...
"jeśli ktoś sie modli, Pan Bóg w nim oddycha"...

DZIEŃ TRZECI - 20.08.2009 - WOŹNIKI - CZĘSTOCHOWA

Pjykny poranek... Mszo Świynto, kiero odbyła sie na sali gimnastycznej była jedyno w swoim rodzaju. Kożdy musioł przinieść se stołek i dużo optymizmu na ostatni dzień marszu. Ksiondz Marcin pochaloł nos po głowach i doł krzyżyk na droga. Żar loł sie z nieba, ale to nic, bo to już tego dnia mieli my sie spotkać z Jasnogórską Panią, bo to ona już wkrótce przygarnie nas i przytuli, łzy zetrze z twarzy, a wtedy niebo nad nami pojaśnieje i krzyż będzie lżejszy...
A nojwiyncyj tego dnia narobili sie nasi fankowi chopcy. Swoimi lizokami stopowali auta coby my cali i zdrowi doszli do celu. Dziynkujemy im za to fest a fest! :D
Jak w poprzednim roku nie obeszło sie bez listy przebojów. Nojgryfniejszym hitem tyj pielgrzimki okazała się piosynka "Fto Zaufoł Ci". Decyzja Jury była jednogłośno i niepodważalno.
I wreszcie wleźli my w ostatnio alejka, a naszym ślypiom ukazoł sie cel wędrówki, czyli upragniono Jasna Góra! Cołkie zmęczenie minyło. Dopiero wtedy poczulimy jakbymy sie unosili nad ziemią.
Wieczorem podrałowali my na Apel Jasnogórski i tam dziynkowali Maryji za wsparcie, bo wcale niełatwo wprost do nieba kroczyć. Życie na ziemi to wędrówka do Boga. Już wiem gdzie jesteś, nie muszę Cie szukać...
Dzień zakończylimy wesołom zabawą z halembską pielgrzimką.

DZIEŃ CZWARTY - 21.08.2009 - CZĘSTOCHOWA - WYRY

Bardzo my byli rod, bo naszo familio sie powiynkszyła - dołączyli do nos przyjaciele i rodziny. Wspólnie przeżylimy Droge Krzyżową Pana Jezusa i uczestniczyli we Mszy Świyntyj. Po Koronce do Miłosierdzia Bożego pojechalimy do Wyr, kaj w kościele przywitoł nos farorz i Ksiondz Poloczek. Były podziynkowania, oklaski, śpiyw i radość! Hakuna Matata! :D:D:D

"Obojętnie, w jaką stronę świata ruszysz,
Czy to w góry, czy nad morze, czy jeziora,
Czy pod trzepak przy babcinej gruszy -
na włóczęgę zabierz z sobą Przyjaciela.

Przyjaciela zabierz z sobą na wędrówkę,
Bo weselej i bezpieczniej wraz z nim iść.
ŚWIAT pięknieje, gdy nań patrzysz sercem czystym -
- płatkiem złota wyda Ci się zwykły liść.

I uklęknij czasem pod przydrożnym krzyżem,
Do kapliczki przynieś bukiet z polnych róż.
Wraz z Jezusem Przyjacielem ciesz się życiem,
A nie zboczysz już przenigdy z Bożych dróg."


DZIĘKUJEMY WAM PRZYJACIELE ZA TEN WSPÓLNY TRUD PIELGRZYMOWANIA I NIESIONĄ PRZEZ WAS RADOŚĆ!!!
Autorki: Gosia&Magda :D:D:D


poradnik pielgrzyma | regulamin pielgrzymki | historia | kontakt
Wyrski Serwis Pielgrzymkowy / Wszelkie prawa zastrzeżone 2011-2012 ©